يجيني الجرح من ايدك واصفق كفي بكفك.

أجي مسرع إلى ذاك المطار ويرتبك نصفي
ونصفي الثاني يتسأل عن اللي صار وأخطائي
تروح شلون عن عيني ، تبدل قوتي بضعفي
ولا به شيء يستاهل علشانه تبدي إذائي
مسافر دون ما أدري وحزني داخلي مخفي
أبيك الحين مو باكر تحلّق فوق أجوائي
مطار القلب يتحرى رجوعك غيبتك تكفي
أبكتب لك ولا أقدر على التعبير وإملائي
غيابك ما رحم حالي ، وحرفي آه يا حرفي
تلعثمت وعجزت أخذ في وقت البعد إجرائي
أنا كلي عطش ظامي أعيش بغيبتك حتفي
لأنك ساعة الضيقة هواي وفي العطش مائي
أحبك يا وطن غالي عليّ وحضرتي منفي
كفاية لا تشتتني ، تعال وجمّع أشيائي
وطن شنهو وطن ، إلا عيونك في لغة وصفي
غريبة شلون تتركني وأنت بدخل أحشائي
ثلاث أيام تهجرني ولا بينت لك نزفي
ودواي اللي تكاثرته عليّ وصرت لي دائي
ثلاث ايام ما نامت عيوني وما قدرت أغفي
لي الله كل من حولي غريب وعالمي نائي
ثلاث أيام وانوار المدينة يالغلا تطفي
وتعّم الظلمى في قلب الشوارع وأفقد أضوائي
تصدق حتى بسماتي أهلّي فيها وتقفّي ..!!
تعال ولملم جروحي ورتّب فوضة أجزائي
يجيني الجرح من إيدك واصفق كفي بكفي
أعز أحبابي يطعني ويداوي الطعن أعدائي
ثلاث أيام تطعني وأنا أشلك على كتفي
كأنها طعنتك ضيف وقلبي حاتم الطائي
منقــــول

"صدى الرحيل"

جميل جميل جدا مشكوره صدى عــ النقل الرائع ..
( وطـــــ ksa ـــن ماعاش من هزك ولا تخشى ولا ترتاب .. )
إحم إحم حســـــ ,H,ـــــاوي وأفتخر وإلي مو عاجبه ينتحر ..>> ماقالت سعودي !!

المــــــــــ المتيم ـــــلاك ؟!
::"AenGil22"::